Tema 1 Os seres vivos

 TEMA 1  OS SERES VIVOS

Os seres vivos

1.-Os seres vivos: 

1.1.-Funcións vitais: nutrición, relación, reproducción.

1.2.-Tamaño: microscópicos (microorganismos) y macroscópicos.

2.-A Célula:unidade de vida

2.1.-Tipos de células: animal e vexetal

3.-A organización dos seres vivos: seres unicelulares e pluricelulares

1.1.-Funcións vitais:
Os seres vivos realizan unha serie de funcións, chamadas funcións vitais. Son as funcións de nutrición, relación e reprodución.

Nutrición: A función de nutrición consiste en transformar os alimentos en substancias máis sinxelas, chamadas nutrientes, e en enerxía. 

Relación : a función de relación consiste en percibir os cambios que se producen tanto no medio coma no interior do organismo e reaccionar antes eles.
Reprodución: permite aos seres vivos ter descendentes parecidos a eles.

Algúns seres vivos, como as plantas, fabrican os seus propios nutrientes coa axuda da luz. Outros, como os animais, aliméntanse doutros seres vivos.

A función de relación consiste en percibir os cambios que se producen tanto no medio coma no interior do organismo e reaccionar ante eles (estímulos e respostas).

A función de reprodución permite aos seres vivos ter descendentes parecidos a eles. 

1.2.-Tamaño:

Os seres que se distinguen a simple vista chámanse seres macroscópicos. Os que non se ven chámanse seres microscópicosou microorganismos. Para observalos necesitamos un instrumento chamado microscopio.

2.-A célula: unidade de vida.

A célula é a parte máis pequena dos seres vivos que ten vida propia, xa que realiza as tres funcións vitais: nútrese, relaciónase e reprodúcese. Todos os seres vivos estamos formados por células

2.1.-Tipos de células: animal e vexetal.

As células animais e vexetais parécense moito. Ambas teñen: membrana celular, citoplasma, orgánulos e núcleo.

As células vexetais posúen, ademais,cloroplastos e parede celular. 

Partes da célula:

• A membrana celular é a envoltura externa da célula, e participa na función de relación. 

• O citoplasma ocupa o interior da célula. É un líquido viscoso no que flotan os orgánulos. 

• Os orgánulos realizan algunhas funcións da célula, como fabricar substancias e obter enerxía. 

• O núcleo contén o material necesario para reproducirse e dirixe as actividades da célula. Nas células animais e vexetais o núcleo está separado do citoplasma por unha membrana.

• Os cloroplastos son uns orgánulos verdes que captan a luz e fabrican os nutrientes. 

• A parede celular é unha estrutura ríxida que rodea a membrana celular e protexe a célula.

3.-A organización dos seres vivos:

-Seres unicelulares:

Os seres vivos que están formados por unha soa célula chámanse seres unicelulares. A súa única célula realiza todas as funcións necesarias para vivir.

Ex. o paramecio que vive nas charcas ou estanques.

-Seres pluricelulares:

Os seres vivos formados por dúas ou máis células, chámanse seres pluricelulares. Nestes seres vivos todas as células se coordinan para que o organismo poida realizar as funcións vitais.