24 DE OUTUBRO, DÍA INTERNACIONAL CONTRA O CAMBIO CLIMÁTICO (actividade)

 24 DE OUTUBRO, DÍA INTERNACIONAL CONTRA O CAMBIO CLIMÁTICO

Hoxe celebramos o Día Internacional contra o Cambio Climático, cuxo principal obxectivo é concienciar á sociedade sobre as devastadoras consecuencias do cambio climático no noso planeta. Lembramos a importancia nesta data de xerar novas formas de consumo responsable e frear os efectos nocivos da contaminación e concienciar a toda a comunidade educativa sobre a importancia de minimizar os efectos deste fenómeno que pon data de caducidade ao noso planeta.

 Actividade para 5º e 6º de EP 

Dividimos a sesión en dous momentos:

1º Momento:

Aproveitamos o tratamento na unidade de C.Sociais sobre a Axenda Urbana 

Española (AUE) que recolle a folla de ruta, estratexias e accións ata o 2030

para facer os territorios, as cidades e os espazos sostibles, acolledores e

respetuosos co medio ambiente; para ver un vídeo sobre as cidades do futuro

(que se están a proxectar xa) e a continuación rematar cunha reflexión 

grupal sobre o cambio climático e como minimizalo dende as nosas pequenas 

accións do día a día.

Visionado do vídeo: Cidades do futuro

2º.-Momento:

Reflexión grupal, en base a cuestións coma:

               ¿Que vos pareceu o vídeo? ¿Que vos chamou a atención?         

               ¿Que podemos facer nos para minimizar o cambio climático?

               ¿Sacades algunhas conclusións?

 As cidades do futuro (conclusións)

Serán moi diferentes ás que coñecemos hoxe. Mentres nos enfrontamos ao 

cambio climático, que é o quecemento do planeta provocado pola actividade 

humana, é fundamental pensar en como construír cidades máis sostibles.

1. Arquitectura Verde: Os edificios serán deseñados de xeito ecolóxico, 

utilizando materiais que non danen o medio ambiente. Haberá cubertas verdes

con plantas que axuden a purificar o aire e reducir as temperaturas.

2. Transporte sostible: en lugar de coches contaminantes, veremos máis 

bicicletas, autobuses eléctricos e trens rápidos. As cidades deseñaranse 

para que camiñar ou andar en bicicleta sexa seguro e sinxelo.

3. Enerxías renovables: as cidades do futuro utilizarán fontes solares, 

eólicas e outras fontes renovables para reducir o uso de combustibles fósiles. 

Isto axudará a reducir as emisións de gases que provocan o cambio climático.

4. Espazos Verdes: Haberá máis parques e áreas naturais dentro das cidades,

o que non só embelece o medio ambiente, senón que tamén axuda a mellorar a 

saúde e a biodiversidade das persoas.

5. Tecnoloxía intelixente: Empregaremos a tecnoloxía para facer as nosas 

cidades máis eficientes. Por exemplo, sistemas de iluminación que se apagan

automaticamente cando non hai ninguén, ou aplicacións que axudan aos cidadáns a 

atopar rutas sostibles.

En definitiva, as cidades do futuro deben ser lugares onde a xente viva 

en harmonía coa natureza, utilizando a tecnoloxía para afrontar os retos 

do cambio climático e construír un mundo máis saudable para todos. 

A forma en que deseñamos as nosas cidades hoxe pode marcar a diferenza 

para o futuro!